Панфиловдун милициялары кесиптеши милициянын капитаны Улан Кадыркуловду ардактуу эс алууга узатышты.

Бүгүн, 30 - октябрда Чүй облусунун Панфилов райондук ички иштер бөлүмүнүн жамааты кесиптеши, милициянын капитаны Улан Кадыркуловду ардактуу эс алууга узатышты. Бул тууралуу аймактык кабарчы билдирди.

Ардактуу эс алууга узатуу аземи райондук ички иштер бөлүмүнүн имаратында өтүлүп, ага өздүк курам жана милициянын ардагерлери катышты. Анда райондук ички иштер бөлүмүнүн начальниги Талгар Мамбетказиев көп жылдык эмгеги үчүн Улан Кадыралиевге " Уюшкан кылмыштуулукка каршы кызматына 30 жыл" юблейлик медалын тапшырды. Ошондой эле ардаргерлер тарабынан " Милициянын ардагери" медалы ыйгарылды.

Улан Кадыркулов 1979- жылы Бишкек шаарында төрөлгөн.

Ал 20 жылдан ашуун милиция кызматын аркаласа, анын ичинен 2009- жылдан бери Панфилов райондук ички иштер бөлүмүндө эмгектенген.