Ак-Талаа; Элди кыжаалат кылган 3,5 километр жолго асфальт төшөө иштери башталды

Нарын облусунун Ак-Талаа районундагы жергиликтүү тургундардын нааразычылыгын жараткан унаа жол тилкесине асфальт басуу иштери башталды. Бул тууралуу аймактык кабарчы билдирди.

Маалым болгондой, Нарын - Баетов - Макмал унаа жолунун 3,5 чакырым тилкесине асфальт басуу иштери ушул жылдын жаз мезгилинде башталган. Ишти кайсы бир жоопкерчилиги чектелген коому тарабынан аткарууга алынган. Бирок, жолдун негизин даярдоо иштери жана 1 жерге суу өтмөк курулган. Иш андан ары жүрбөй, токтоп турган. Мындан улам, жергиликтүү айдоочулар тарабынан иштин токтоп калышы сынга алынган. Учурда, токтоп калган жумуш кайрадан жанданып, асфальт төшөө иштери колго алынды.

Ак-Талаа райондук №15 жол тейлөө ишканасынын жетекчиси Аскар Өмүрбеков аталган унаа жолго асфальт төшөө иштери колго алынгандыгын айтты.

«Бардыгына маалым болгондой, асфальт төшөө иштери кечеңдеген. Ошого байланыштуу куручу ишканадан өзүбүзгө алдык. Учурда, ДСУ-1, ДСУ-2 жана биздин райондук жол тейлөө ишканасы биргеликте асфальт төшөө иштери башталып жатат», - деди Аскар Өмүрбеков.

--
Отправлено из Mail для Android