Талас шаарында автоээнбаштык жасаган айдоочу табылды. Бул тууралуу Талас облустук жол кыймылынын коопсуздугун камсыздоо бөлүмүнөн билдиришти.
Маалыматка караганда, Талас шаарынын борбордук мечитинин алдында айдоочу «ВАЗ-2107» үлгүсүндөгү унааны чимирилтип айдаган. Ага Укук бузуулар жөнүндөгү кодекстин 189-беренесинин 1-бөлүгү (автоээнбаштык) боюнча 15 миң сом айып пул салынды. Ал эми унаасы айып короого токтотулду.
