Мындай сунуш «Кыргыз Республикасынын мамлекеттик тили жөнүндөгү» конституциялык мыйзамдын долбоорунда айтылат.
Долбоордун демилгечиси — Мамлекеттик тил жана тил саясаты боюнча улуттук комиссиясы. Бул долбоор парламенттин 18-январдагы жыйынында каралып, биринчи окууда кабыл алынды.
Талкуу учурунда депутаттар өздөрүнүн пикирлерин айтышты. Анда кыргыз тилин жеңил, натыйжалуу үйрөтүү методикасы менен камсыздоо сунушу да болду.
«Бул долбоордун мурунку мыйзамдардан башкы айырмасы кайсыда?» деген суроо менен Жылдыз Орозобековага кайрылып, жооп алдык.
