Ош облусунун Кара-Кулжа районунда жолду кар көчкүдөн тазалап жаткан техниканы айдоочу менен кошо кар басып калды.
Өзгөчө кырдаалдар министрлигинин маалыматына караганда, окуя кечээ, 16-февралда болгон. Мырза-Аке—Кара-Кулжа—Алайкуу унаа жолунун 101-чакырымында кар көчкүнү тазалоо иштери жүргүзүлүп жаткан учурда кырсык катталган. Болжол менен саат 16:00-17:00дөр чамасында №26 жол тейлөө ишканасынын айдоочуусу иш учурунда техникасы менен кошо кар алдында калып калган.
Окуя болгон жерде жанындагы айдоочулар тарабынан ыкчам аракет көрүлүп, кызматкер техникадан чыгарылган. Жабыр тарткандар жок.
