Ош облусунун Өзгөн районунда Садыр Жапаров, УКМКнын төрагаы Камчыбек Ташиев, башкы прокурор Курманкул Зулушев жашоочулар менен жолугушуп жатат. Бул тууралуу Turmush басылмасынын кабарчысы билдирди.
Жолугушуу райондук администрациянын жыйындар залында уюштурулду. Алар Кемпир-Абад суу сактагычы боюнча түшүндүрмө берүү жана элдин талаптарын угуу үчүн келишти.
Сыртта жыйындар залына кире албай калган ондогон адамдар чогулуп турушат. Алар президенттин жолугушуусуна атайын даярдалган адамдар гана киргенин, андыктан президент сыртка чыгып эл менен жолугушуусу керектигин айтышууда.
Өзгөн районунун Кызыл-Октябрь айыл өкмөтүнүн тургуну Жумалидин Сопуевдин айтымында, бул маселе былтыртан бери көтөрүлүп жатат.
