Turmush — Кечээ, 30-ноябрда Токмок шаарынын Ю.Дунларов көчөсүндөгү турак үйдөн өрт чыкты. Бул тууралуу аймактык кабарчыга күбөлөр билдиришти.
ӨКМдин басма сөз кызматы кырсык саат 15:20 чамасында болгонун билдирди.
Ю.Дунларов көчөсүндө турак үйдүн 170 чарчы метр чатыры жана 10 чарчы метр эс алуучу бөлмөсүнүн шыбы күйгөн.
Жеринде 2 өрт өчүрүү бөлүмү жана 1 суу ташуучу унаа өрт өчүрүү иш- чараларын алып барышты.
Өрттүн себеби такталууда. Жабыркагандар жок.