Акыркы жылдары Кыргызстанда хоккей оюуну өнүгүү жолуна түшүп, кышкы спортко кызыккандар көбөйүүдө. Өзгөчө алыскы тоолуу аймактарда, жаштар муз аянтчасын уюштуруп, ар кандай мелдештерди өткөрүп келет. Бир канча жыл мурун муз каптаган көлмөнүн үстүндө хоккей ойнолсо, эми эл аралык талапка жооп берген муз аянтчалары да салынган.
Жумгал районунун Чаек айылында хоккей боюнча республикалык ири мелдеш болуп, ага өлкө аймактарда күчтүү делген 7 команда катышты. Беттеште муз аянтчасынын кожоюну болгон “Жумгал-Шортон” командасы жеңүүчү болду. Андан сырткары “Мыкты чабуулчу”, “Мыкты дарбазачы” жана “Мыкты оюнчулар” да белгилүү болду. Оюнчулар суукка карабастан кырчылдаша таймашып, жеңишке жетүү да оңойго турган жок.
