XVI кылымдагы Осмон империясы тууралуу тартылган түрктөрдүн «Даңазалуу доор» (Великолепный век) сериалынын 2-сезону Коомдук телерадиоберүү корпорациясынын котормо студиясы тарабынан учурда кыргызчаланууда.
Ар бир сезону 48 бөлүмдөн турган тасманын учурда 4-сезону тартылган. КТРКнын котормо студиясы буга чейин 1-сезондогу 48 серияны которуп көрүүчүлөрдүн назарына сунуштаган.
Султан Сулеймандын үнүн «Учур» театрынын актеру Жолдошбек Жанжигитов коштосо, анын сүйүктүү жары Хүрремдин үнүн которуунун режиссеру Кыял Төрөгулова коштойт.
Түркияда жана Жакынкы Чыгышта белгилүүлүккө жеткен сериалды буга чейин 43 өлкөдө 200 миллиондон ашуун адам көрсө, алардын катарына кыргызстандыктар да кошулду. Көрөрмандар «Даңазалуу доордун» уландысын жакынкы арада Коомдук Биринчи каналдан көрө алышат.
